Puisi Bali

NGALIH SAWITRA
(Terbit @Bali Post, 27 Oktober 2013)

Ngalih timpal ngalih sawitra,
sing perlu bes mabina-bina,
sing perlu milih muani apa lua,
sing perlu milih jele apa darma,
milih ane sugih wiadin tuara,
milih ane di desa apa di kota,
i raga pada-pada jadma manusa,...
i raga sujatine anak manyama,
pakardin Sang Hyang Widhi Wasa,
solah jele lan melah to karma,
yen timpale beler eda musuhina,
nanging ajak menahin laksana,
isin gumine mula rwa bineda,
jele melah pasti mulih ka sema