CUPAK

Yen tolih uli awak,
kena baan nebak,
awakne gede bawak,
bokne barak,
sebengne galak,
ento ba I cupak.

Liunan daya kuangan tindak,
ajak idup irit tusing nyak,
ada gae sing nyak nyemak,
sakancan dedaaran kapakpak,
sepanan ciplak-ciplak,
tusing jejeh sukak.

Solahne mula ngaprak,
mamunyah nginem arak,
yen sing ada kanggo tuak,
mirib ene tumitisan leak,
keweh pesan nyamane ngajak,
I Grantang tuyuh sebak-sebak.