SUGIH LACUR
(Made Suar, Wraspati Pon Klurut, 9 Mei 2013)
Arta brana dados patokan,
jinah stata kanggen ukuran,
lacur kalawan sugih,
sor kalawan singgih.
Yening dados milih,
sami nunas sugih,
yening kicen lacur,
sami pastika mundur.
Jagate nyansan wayah,
jamane terus mauwah,
saking embas kantos pejah,
i manusa ngmerluang jinah.
Becik-becikang ngrereh sugih,
malarapan karma sane luwih,
yening sugih madasar pelih,
pastika lacur jagi kapanggih.
Tidak ada komentar:
Posting Komentar