Puisi Bali "BALI ORTI" terbit @Bali Post 26 Mei 2013

BALI ORTI 

(Made Suar)

Bali orti,

gatra mabasa Bali,

nyabran redite kajantos,

ring koran Bali Post.

Bali orti,

sarana ngajegang Bali,

ngajegang Aksara lan sastra,

ngajegang seni lan budaya.

Bali orti,

koran krama Bali,

wacen sareng sinamian,

anggen nincapang kawruhan.

Puisi Bali "Purnama" @Bali Post 12 Mei 2013

PURNAMA

(Made Suar)

 

Mangkin rahina Purnama,
muspa laksana utama,
ring pura utawi padma,
kairingin tembang wirama,
ngaturang parama suksma,
dumogi rahayu sami krama...

Puisi Bali Anyar

SUGIH LACUR

(Made Suar, Wraspati Pon Klurut, 9 Mei 2013)

Arta brana dados patokan,

jinah stata kanggen ukuran,

lacur kalawan sugih,

sor kalawan singgih.

Yening dados milih,

sami nunas sugih,

yening kicen lacur,

sami pastika mundur.

Jagate nyansan wayah,

jamane terus mauwah,

saking embas kantos pejah,

i manusa ngmerluang jinah.

Becik-becikang ngrereh sugih,

malarapan karma sane luwih,

yening sugih madasar pelih,

pastika lacur jagi kapanggih.

Puisi Bali Anyar

ELING

 (Made Suar)

 

Eling Hyang widhi,

Iraga embas manumadi,

Eling ring sesana,

Iraga dados manusa.

          Eling ngaturang yadnya,

          Antuk sami panugrahan Ida,

          Eling malaksana dharma,

          Mangda becik polih pala.

Eling malajahang raga,

Bekel ngrereh pangupa jiwa,

Eling ring sameton tiosan,

Krana tan sida urip padidian.

          Eling ring buron lan tetanduran,

          Ipun sami ngwehin iraga ajengan,

          Eling…eling…eling…

          Mangda iraga nenten paling.

Puisi Bali Anyar Made Suar: Puisi Bali "Gumi Nuju Kiamat" karya Made Suar yang...

Puisi Bali Anyar Made Suar: Puisi Bali "Gumi Nuju Kiamat" karya Made Suar yang...: GUMI NUJU KIAMAT Yeh pasihe ngancan ngedenang, tanahe anyudang blabar, kija laku tiang magingsir? ada ke tongos baang panak cu...

Puisi Bali Anyar Made Suar: Puisi Bali "Jaman Jani" Karya Made Suar @Bali Post...

Puisi Bali Anyar Made Suar: Puisi Bali "Jaman Jani" Karya Made Suar @Bali Post...: JAMAN JANI   Aget idup di jaman jani, kocap madan globalisasi, aluh ngalih informasi, uli radio wiadin televisi, uli internet ...

Puisi Bali Anyar Made Suar: Puisi Bali "Isin Gumi" @Bali Post 14 April 2013

Puisi Bali Anyar Made Suar: Puisi Bali "Isin Gumi" @Bali Post 14 April 2013: ISIN GUMI Iraga idup di gumi, ada luh ada muani, ada buruh ada petani, ada pegawai negeri, liu masih ne dadi kuli, gae pa gen j...

Puisi Bali "Isin Gumi" @Bali Post 14 April 2013

ISIN GUMI

Iraga idup di gumi,
ada luh ada muani,
ada buruh ada petani,
ada pegawai negeri,
liu masih ne dadi kuli,
gae pa gen jemak dadi,
yen di jaman ne jani,
sing perlu bes gengsi,
ne penting maan gaji,
apang basange misi,
ngidang madaar nasi,
ngidang nginem kopi,
nanging sing dadi korupsi!
Suksma Hyang Widhi.

Puisi Bali "Jaman Jani" Karya Made Suar @Bali Post 28 April 2013

JAMAN JANI

 

Aget idup di jaman jani,
kocap madan globalisasi,
aluh ngalih informasi,
uli radio wiadin televisi,
uli internet masih dadi,
apa buin suba ada wifi,
ngidang online sesai,
uli facebook ngidang mlali,
ngalih timpal kemu mai,
maca status ane lebai,
ada status nyakitang hati,
ada masih status puisi,
to ngibur manahe sepi,
tat kala bengong padidi.