Balihone marerod di sisin jalan,
pada malomba ngalih dukungan,
bendera partai masih makibaran,
saling tegehin magede-gedean.
Visi-misi calege luung sajan,
apake seken mabukti mani puan?
apa ento tuah janji-janji di tulisan?
di subane menek bisa luntur padidian.
Makejang marebut dadi anggota dewan,
meled dadi pejabat tinggi ngalih tegakan,
pada magarang ngalih jabatan,
magae di kantor pemerintahan.
Lan pilih wakil rakyat ane luungan!
apang i raga tusing nyelsel buin pidan,
eda milih ulian maan pipis ceperan!
eda nyoblos ulian maan persenan!
Dumadak ja antar kayang pamilihan,
ane mapilih mula figur unggulan,
apang tusing figur uluk-ulukan,
ane tuah dot ngalih pipis lebihan.
